TRIPURA  MISSION FIELD
                                            (Presbyterian Church of India)


       ** Chhinga Veng Kohhran ten rawngbawlna atana thiltul tak nia an hriat angin, Kameshwar,  Noagang Pastor bial, Tripura Mission Field -ah khualbuk tha tak leh zahpuiawm loh tak an sak chu Rev.Lalchhuanmawia, Secretary, Synod Mission Board chuan ni 16.6.2012, dar 10:30am khan a hawnga, tin, Chhinga Veng Kohhran Hmeichhe Golden Jubillee hriatrengna atan Clinic Centre an sak chu Rev.C.Zorammawia, Field Secretary-in a hawng bawk a. Khualbuk kianga Kitchen tha taka Chhinga Veng Kohhran KTP ten an sak chu Rev.CS. Rila, bialtu Pastor, Noagang Pastor Bial, Tripura Mission Field chuan a hawng bawk. Hawn zawh a nih hian Kameshwar biak inah inkhawm a ni a. Upa Sanghmingthanga H.Pautu-in Inkhawm a kaihhruaia, Rev.Lalchhuanmawia'n thuchah a sawi.


       **  Ni 17.6.2012 (Pathianni) ah Seisimdung bial thar tlawh a ni a. Pathianni chawhma Seisimdungah inkhawm a ni a, Rev.Lalchhuanmawia'n Pathian thuchah a sawia, inkhawm banah Saithat Kohhran tlawh a ni bawk. Tlai Dar 3:00pm ah Darmanagar Bengali Service-ah Pu.R.Lalchhanhima, Manager, Ramthat Chanchinbu, Synod Mission Board, Office, chuan Bangla-in Pathian thuchah a sawi.


      $$  Chhinga Veng Kohhran, Aizawl atangin mi 27 bawr vel an lo kala, an inpekna a chuanawm hle. Pathian ram zauhna tura an sum senso leh tha leh tui, rilru senga an thawh zawng zawng hi a let tam takin malsawmna neitu Pathian chuan rul ngei rawh se tih hi kan duhsakna a ni e. 

Tripura Mission Field dinhmun

                                                 Tripura Mission Field 
                                        (Presbyterian Church of India)
        Tripura Mission Field-a school pahnih Bethlehem English School, Noagang leh Clvary High School, Tuidu atanga Matric exam te Result chu a chhuak ta a, BES, Noagang chu 100% an passed a, CHS,Tuidu chu 90% an passed, kan lawmpui e.
       Rev.Lalchhuamawia, Secretary, Synod Mission Board chuan Naisingpara Bru Refugee Camp-a Biak in chu ni 10.6.2012 khan a hawnga, Field Secretary, Tripura Mission Field leh Pecharthala Thawktute, Darchawi Pastor ten an tawiawm.
                                       Tripura Mission Field dinhmun tlangpui:
     Thawktu awm zat: 221
     Presbytery awm zat:  4  (Tripura North Presbytery, Longtorai Presbytery, Baramura Presbytery, Tripura    
                                         South Presbytery).
      Pastor Bial  : 16.
      Minister : 3
      Pastor - 16
      Kohhran awm zat  : 86
      Preaching Station awm zat : 166
      Kohhran Upa : 113
      Danzawhkim zat: 10863
      Kohhran member zawng zawng zat:17,301
      January - April   2012  chhunga Ringthar neih zat : 716
   
     Mission School dinhmun : 6;  Zirlai neih zat - 2347.

     Ni 16.June 2012 hian Chhinga veng Kohhran project-a sak Khualbuk, Kameshwar-a mi chu Rev.Lalchhuanmawia, Secretary, Synod Mission Board, chuan a hawng dawna, Chhinga Veng Kohhran atangin mi sawmthum vel bawr an lo kal dawn a. Programme hlawhtling tak hman a nih theih nan i tawngtai ang u.
                                            

Tripura MF Chanchin tawi

Tripura ram hi India hmarchhak-Assam, Mizoram leh Bangladesh hual chhunga awm, Sq Km 10,492 a zau, district pali chauh nei ni mah sela; mihring nuai sawmthum paruk lai awmna, vai leh tlang mite inchen pawlhna ram a ni. Tripura ramah hian kan Kohhran mi, Bunghmun lal Hrangvunga Sailo chu 1911-ah Phuldungsei-ah pemin Chanchin Tha meichher chhi luttu hmasa ber a ni. Kum 1918-ah Tripura pum huapin Jampui Presbytery a lo ding a. Kum 1938-ah New Zealand Baptist Mission- lo chhuakin ni 4th Dec,1938 ah TBCU an rawn din a, Presbyterian Kohhrante pawh inzawm khawm Kohhranah chuan 1944 khan an lut ve ta a ni.
       TBCU Association pakhat amite chuan Mizoram Synod zawm tumin 1974 khan Mizo Synod-ah dilna an thehlut a. Mizo Synod chuan a pawm sak lova. Mizoram atanga rawngbawla chhuk thla Presbyterian mi leh sate chuan harsatna an tawh lai a ni a. Mizo Synod auhthlak theihna remchang nia hriain Presbyterian Kohhran  chu 1975 khan an din ta a. Kum sawm zet a ral hnuin Mizoram Synod-in Tripura rama Presbyterian Kohhran chu a pawm ta a. Pastor pahnih pe-in Pastor bial thum leh Kohhran member 776 te chu ni 20th, July,1986 khan lawmlutin Synod Pastoral Ministry hnuaiah SEC-in a enkawl a. Kum 1988 Synod chuan Tripura rama rawngbawlna chu Synod Mission Board kutah a dah leh ta zawka, vawiin thlengin SMB hnuaiah chuan a la awm ta a ni. Rawngbawlna thang zelah 1990-ah Presbytery hawn a ni a, kum 2008 ah Presbytery pahnih a then a lo ni leh ta a, 2012 May khan Presbytery Pahnih hawn belh a ni leh a, tichuan Presbytery Pali a ni ta ni.